|
Il-Palazz ta' Selmun
Il-Palazz ta` Selmun
Il-Palazz ta` Selmun inbena fi żmien il-Gran Mastru Emmanuel de Rohan madwar l-1783 mill-Arkitett Malti Duminku Cachia. Huwa jixbaħ ħafna lil dak tal-Verdala. Dawn huma palazzi mibnija bi stil ta` fortizzi għalkemm l-iskop huwa ta` palazz fil-kampanja, li jagħti impressjoni ta` awtorita`. Dominanti ħafna fid-dehra tiegħu hija l-gallarija madwaru li tgawdi panorama mill-isbaħ fuq firxa kbira dawra mejt. Il-Palazz kellu kappella li damet tintuża sas-sebgħinijiet meta nbniet il-lukanda biswit il-Palazz. Din il-kappella m`għandhiex bini fuqha minkejja li tinsab fis-sular t`isfel. Kienet tintuża mis-saċerdot li kien iqaddes għan-nies tal-post. Fil-gwerra kienu jattendu s-suldati li kienu jservu fil-palazz u nies oħra tal-Militar li kienu stazzjonati fil-fortizza ta` Campbell li qiegħda fil-viċin. Il-kappella kellha pittura ta` Antoine Favray li turi l-Madonna tal-Ħniena li llum tinsab fil-kappella l-ġdida ta` Selmun. Dan il-Palazz kien ġie mogħti mill-Ordni ta` San Ġwann lil wieħed mill-Kavallieri tagħha wara li kien irnexxielu jinganna lill-Kursari Saracini bil-manuvrar tiegħu tant li rnexxielu jħabbathom ma` sikka fejn il-Gżejjer ta` San Pawl. B`hekk ix-xini u l-ekwipaġġ waqgħu f`idejn il-Kavallieri. Għal din il-bravura, il-Kavallier ġie onorat u ngħata t-tgawdija ta` dan il-palazz. Aqra iktar dwar l-istorja tal-Bir tal-Ħnejja; |
 | |||||||||||||||
 | |||||||||||||||
|
|||||||||||||||
|
|||||||||||||||
|
|||||||||||||||
